خواردنەوەی شەربەتی میوە پەستانی خوێن دادەبەزێنێت

ئاڤا نیوز

توێژینەوەیەک دەریخستووە، ڕۆژانە بە خواردنەوەی شەربەتی میوەی بەتام ئاستی مەترسیداری پەستانی خوێن کەم دەکات.

وێنە گەرەکە: بەرزی پەستانی خوێن مەترسی دەخاتە سەر دڵ و خوێنبەرەکان و ئەندامەکانی تری جەستە، ئەگەر چارەسەر نەکرێت، بە تێپەڕبوونی کات لێکەوتەی مەترسیداری لێدەکەوێتەوە، چونکە بەرزی پەستانی خوێن پەیوەندی بە باری فریاگوزارییە پزیشکییەکانی وەک جەڵتەی مێشک و جەڵتەی دڵەوە هەیە.

 

هۆکارە زانراوەکان: چەندین هۆکار هەن  ڕەنگە ببنە هۆی بەرزبوونەوەی پەستانی خوێن، خۆراکیش یەکێکە لەو هۆکارانە، لەبەرئەوە پێویستە دووربکەونەوە لەو خۆراکانەی کەدەوڵەمەندن بە خوێ، چونکە خوێ یارمەتی لەش دەدات ئاو ڕابگرێت، ئەمەش دەبێتە هۆی بەرزبوونەوەی پەستانی خوێن. 

ئەوەی پێویستە بیزانیت: توێژەرانی زانکۆی پزیشکی و ددان لە تۆکیۆ پێشنیازیان کردووە، ڕۆژانە ئاوی تەماتەی بێ خوێ بخورێتەوە، چونکە دەبێتە هۆی دابەزاندنی پەستانی خوێن بەشێوەیەکی بەرچاو، بۆیان دەرکەوتووە کە کۆلیسترۆڵی “خراپ” کەمدەکاتەوە، ئەوەش هۆکارێکی دیکەیە لەو کێشانەی ڕووبەڕووی دڵ دەبنەوە.