دادگا بڕیاری دوورخستنەوەی ئەندامێکی ئەنجوومەنی پارێزگای بەغدا ڕادەگرێت

ئاڤا نیوز

دادگای کارگێڕی عێراق بڕیارێکی سەرۆکی ئەنجوومەنی پارێزگای بەغدا بۆ دوورخستنەوەی ئەندامێکی ئەنجوومەنەکە ڕادەگرێت، تا ئەو کاتەی دادگا یاساییبوون یان نایاساییبوونی بڕیارەکە یەکلایی دەکاتەوە.

وێنە گەورەکە: 26ی ئەم مانگە عەممار قەیسی، سەرۆکی ئەنجوومەنی پارێزگای بەغدا لە پشکی هاوپەیمانی عەزم، لە نووسراوێکدا و بەهۆی ئامادەنەبوونی لە شەش دانیشتن لە چوار مانگدا، کۆتاییهێنا بە ئەندامییەتی عەممار حەمدانی ئەندامی ئەنجوومەنەکە لە حیزبی تەقەدوومی محەممەد حەلبووسی، سەرۆکی دوورخراوەی پەرلەمان.

ڕاگەیێنراوی فەرمی: دادگای کارگێڕیی عێراق لەسەر سکاڵای عەممار حەمدانی لیژنەیەکی پێکهێنا کە داوایکردبوو بڕیارێکی وەلائی بۆ ڕاگرتنی دوورخستنەوەی لە پۆستەکەی دەربکرێت، دادگاکەش بڕیاری دا تا یەکلاییکردنەوەی سکاڵاکە، بڕیاری دوورخستنەوەی ئەو ئەندامەی ئەنجوومەنی پارێزگای بەغدا ڕابگیرێت.