عێراق 40 بارهەڵگری دیکەی هاوکاری ڕەوانەی لوبنان دەکات

ئاڤا نیوز 

 

کۆمەڵەی مانگی سووری عێراقی 40 بارهەڵگر کە هاوکاری مرۆیی و خۆراک و پێداویستی پزیشکی لەخۆگرتووە، لە ڕێگەی سووریاوە بەرەو بەیرووتی لوبنان ڕەوانە دەکات.

 

وێنە گەورەکە: بەهۆی پەرەسەندنی شەڕی نێوان سوپای ئیسرائیل و حیزبوڵڵا، تاوەکو ئێستا سەدان کەس کوژراون و بە سەدانی دیکەش بریندار بوونە، ئەمە جیا لە ئاوارەبوونی هەزاران کەس لەنێوخۆی وڵاتەکە بۆ دەرەوەی لوبنان لە نێویشیاندا عێراق و سووریا.

 

ڕاگەیێنراوی فەرمی: مانگی سووری عێراقی ڕایگەیاند: کۆمەڵەکەیان بە هەماهەنگی لەگەڵ مانگی سووری سووریاو خاچی سووری لوبنان ئەو خۆراک و پێداویستییە پزیشکیانە بۆ بەیرووت ڕەوان دەکەن.

 

ئەوەی پێویستە بیزانیت: ئەمە سێیەمین کاروانی هاوکارییەکانی عێراقە بۆ لوبنان، ڕۆژی 21-9-2024 دوای تەقینەوەی ئامێرە پەیجەرەکانی دەست ئەندامانی حیزبوڵڵا لە لوبنان و پێکدادانی نێوان هێزەکانی حیزبوڵڵا و سوپای ئیسرائیل، کاروانی یەکەمی هاوکارییەکانی عێراق لە ڕێگەی ئاسمانییەوە گەیێنرایە لوبنان.