نرخی نەوتی عێراق گەیشتە بەرزترین ئاست

ئاڤا نیوز

 

هاوکات لەگەڵ پەرەسەندنەکانی ڕۆژهەڵاتی ناوەڕاست و لێدوانەکان سەبارەت بە ئەگەری بەئامانجگرتنی دامەزراوە نەوتییەکانی ئێران، نرخی نەوتی عێراق  دوای زیاتر لە مانگێك گەیشتە بەرزترین ئاست.

 

ژمارەكان وادەڵێن: تێکڕای نەوتی خاوی بەسرە بۆ هەر بەرمیلێک گەیشتە 75.4 دۆلار، ئەمەش بەرزترین ئاستە لە دوای 30ـی ئابەوە تۆمار کرابێت.

 

زانیاریی زیاتر: لە 1-10-2024ـەوە نرخی نەوتی خاوی مامناوەندی بەسرە بە ڕێژەی 4.5% بەرزبووەتەوە. سەبارەت بە نەوتی خاوی قورسی بەسرەش، نرخەکەی گەیشتە 74.66 دۆلار بۆ هەر بەرمیلێک.

 

بۆچی گرنگە: نەوتی بەسرە كاریگەریی گەورەی لەسەر ئابووریی عێراق هەیە، بە هۆی کوالێتییە بەرزەکەی خواستی زۆری لەسەرە. لە لایەن وەزارەتی نەوتی عێراقیشەوە سەربەخۆ دەفرۆشرێت و تێكەڵ بە نەوتی دیكە ناكرێت، چونکە نرخەکەی جیاوازە.