کۆتا وادەی پڕكردنه‌وه‌ی فۆرمی زانكۆڵاین ڕاگەیێنرا

ئاڤا نیوز

 

ماوه‌ی 15 ڕۆژه‌ فۆرمی زانكۆڵاین بۆ ده‌رچووانی قۆناغی 12ـی ئاماده‌یی كارا كراوه‌، چەند ڕۆژێک لەمەوبەر وەزارەتی خوێندنی باڵا ماوەی پڕکردنەووەی فۆرمەکە درێژکردەوە تاوەکو زۆرترین قوتابی لێی سوودمەند بن.

 

لێدوانی فەرمی: عەباس ئەکرەم، وتەبێژی وەزارەتی خوێندنی باڵا و توێژینەوەی زانستی، ڕایگەیاند: تا كاتژمێر 12:00ـی ئه‌مشه‌و فۆرمی زانكۆڵاین كارایه‌ و ئه‌مه‌ دوا واده‌یه‌، دواتر ڕاسته‌وخۆ ناچالاك ده‌بێت و هیچ بڕیار نییە ئه‌م واده‌یه‌ درێژ بكه‌ینه‌وه‌.

 

ئەوەی پێویستە بیزانیت: وەزارەتی خوێندنی باڵا و توێژینه‌وه‌ی‌ زانستی‌ له‌ به‌رواری 21-9-2024، فۆرمی زانكۆڵاینی بۆ ده‌رچووانی قۆناغی 12ی ئاماده‌یی بۆ ماوه‌ی 10 ڕۆژ كارا كرد، پاشان واده‌كه‌ی بۆ 5 ڕۆژی دیکە درێژ كرده‌وه‌.