لە مووسڵ شەڕ لە نێوان سوپای عێراق و داعش ڕوودەدات

ئاڤا نیوز

 

لە بیابانەکانی باشووری ڕۆئاوای موسڵ شەڕ و پێکدادان لە نێوان هێزەکانی سوپای عێراق و چەکدارانی داعش دروست دەبێت و چەکدارێکی داعش دەکوژرێت.

 

وێنە گەورەکە: ئەگەرچی ئۆپەراسیۆنی هێزە ئەمنییەکانی عێراق بۆ لەنێوبردنی پاشماوەکانی ڕێکخراوی داعش لە ناوچە جیاجیاکان بەردەوامە، بەڵام مەترسیی ئەو ڕێکخراوە کۆتایی نەهاتووە و لە جموجۆڵەکانیان بەردەوامن.

 

زانیاریی بەدەستهاتوو: سەرچاوەیەکی ئەمنی لە مووسڵ بە میدیای عێراقی ڕاگەیاندووە، "هێزێکی سوپای عێراقی سەر بە فیرقەی 20 و لیوای 43، لە بیابانی دوورگەی حەزەر گەمارۆی تونێلێکی چەکدارانی داعشیان داوە، بەهۆیەوە شەڕ و پێکدادان دروست بووە.

 

زانیاریی زیاتر: ئۆپەراسیۆنەکە لە چوارچێوەی هەڵمەتێک بووە بۆ پشکنینی ناوچەکە و بەدواگەڕانی پاشماوەکانی داعش لە ناوچەکەدا.

 

لەلایەکی دیکەوە: سەرچاوەیەکی ئەمنی دیکە ئاشکرای کردووە، لە ئەنجامی شەڕ و پێکدادانی نێوان هێزەکانی سوپا و داعش، چەکدارێکی داعش کە لەنێو تونێلەکە خۆی حەشاردابوو، کوژراوە.