سێ پڕۆژەی ستراتیژی لە سنووری هەولێر جێبەجێ دەکرێن

ئاڤا نیوز

سێ پڕۆژەی گرنگ و ستراتیژی لە سنووری پارێزگای هەولێر دروست دەکرێن، کاریگەرییان لەسەر پرسی ئابووری و گەشتیاری و گۆڕانکارییەکانی کەشوهەوا دەبێت، بڕیارە لە ئایندەیەکی نزیکدا سەرۆکوەزیران مەسرور بارزانی دوو لەو پڕۆژانە بکاتەوە.

 

وێنە گەورەکە: لە چوارچێوەی پڕۆژە خزمەتگوزارییەکانی کابینەی نۆی حکومەتی هەرێمی کوردستان بۆ سەرجەم ناوچە جیاجیاکان، گرنگی زۆر بە کەرتی ئابووری و پیشەسازی و ئەو پرۆژانە دراوە کە دەچنە خانەی خۆپارێزیی لە گۆڕانکارییەکانی کەشوهەوا.

 

لێدوانی فەرمی: د.محەممەد شوکری، سەرۆکی دەستەی وەبەرهێنانی هەرێمی کوردستان بە ئاڤا نیوزی ڕاگەیاند: پڕۆژەی دروستکردنی تەلەفریک لە ناو شەقڵاوە بۆ چیای سەفین مۆڵەتی پێدراوە  و لەلایەن کەرتی تایبەتەوە دروست دەکرێت، دوو کۆمپانیا لەگەڵ کۆمپانیایەکی سویسری ڕێککەوتن بۆ جێبەجێکردنی دەکەن.

 

لەلایەکی دیکەوە: کارگەی ڕیسایکلین لەسەر ڕێگای گوێڕ دروست کراوە و ئێستا لە قۆناغی بەرهەمهێنانە، هاوکات کارگەی دروستکردنی موبەڕیدە لە تیمارتی پیشەسازی هەولێر دروست کراوە،  لە چەند ڕۆژی ئایندەدا سەرۆکوەزیران مەسرور بارزانی هەردووکیان دەکاتەوە.