بڵاوبوونەوەی جگەرەی ئەلیکترۆنی لەنێو گەنجان نیگەرانی دروست دەکات

ئاڤا نیوز

توێژینەوەیەک لە ئینگلتەرا دەریدەخات کێشانی ڤەیپ و جگەرەی ئەلیکترۆنی بەتایبەت لەناو تازەپێگەیشتووان بەشێوەیەکی بەرچاو لە بەرزبوونەوەدایە.

وێنە گەورەکە: بەگوێرەی لێکۆڵینەوەیەک کە لەلایەن توێژەرانی UCL کراوە، گەنجانی پێگەیشتوو کە پێشتر هەرگیز جگەرەیان نەکێشاوە، ئێستا دەستیان کردووە بە کێشانی جگەرەی ئەلیکترۆنی و لە هەرێمی ئینگلتەرای بەریتانیا ژمارەیان گەیشتووەتە یەک ملیۆن کەس. 

 

بڵاوکراوەی فەرمی: توێژینەوەکە لەلایەن دەزگای لانسێت کە تایبەتە بە تەندروستی گشتیی بڵاوکراوەتەوە و ئاماژەی بەوە کردووە، لە ماوەی چەند ساڵی ڕابردوودا، "ئەو کەسانەی هەرگیز جگەرەیان نەکێشاوە" و ئێستا جگەرەی ئەلیکترۆنی دەکێشن، زۆرینەیان گەنجن و لەنێویاندا ژمارەیەکی زۆریان ئافرەتانن.

 

لەلایەکی دیکەوە: ئەم بەرزبوونەوەیە زیاتر لەلایەن گەنجانی پێگەیشتووەوەیە، تەمەنیان لە نێوان 18-24 ساڵان دەبێت کە پێشتر بە بەردەوامی جگەرەیان نەکێشاوە، ئێستا جگەرەی ئەلیکترۆنی بەکاردەهێنن،  پزیشکانیش دەڵێن ئەم بەرزبوونەوەیە جێگەی نیگەرانییە.