جەنگی ئەتۆمی دەستپێبکات کام لە وڵاتان توانای مانەوەیان دەبێت؟

ئاڤا نیوز

 لە ئەگەری هەڵگیرسانی جەنگی ئەتۆمی، چوار وڵات توانای بەرگریی و مانەوەیان بەرامبەر چەکی وێرانکەری ئەتۆم هەیە.

 

وێنە گەورەکە: بەهۆی گرژییەکانی نێوان ڕووسیا و ئۆکرانیا لە ڕۆژئاوا، لە ڕۆژهەڵاتی ناوەڕاستیش گرژی نێوان ئیسرائیل و لوبنان و ئێران، هاوکات هەبوونی کڵاوەی ئەتۆمی لەم وڵاتانەدا و هەڕەشەی بەکارهێنانیان بۆسەر یەکتر، ئەگەری جەنگی ئەتۆمی کارەساتبار لە هەر ساتێکدا دەتوانێت ڕووبدات.

 

ئەوەی پێویستە بیزانیت: لە ئەگەری هەڵگیرسانی جەنگی ئەتۆمیدا دوورگەکان و چەند وڵاتێک بەهۆی خۆبژێوییان لە بەرهەمهێنانی وزە و خۆراکدا توانای مانەوە و بەرگریی زیاتریان لە ناوچەکانی دیکەی گۆی زەوی زیاترە.

  

ئەوەی لەو بارەیەوە دەگوترێت: بەپێی لێکۆڵینەوەکان ئاماژە بۆ ئەوە کراوە کە چەند وڵاتێک لەبەر چەند هۆکارێک توانای مانەوەیان هەیە لە بەرامبەر چەکی ئەتۆم، لەوانە:

ئوسترالیا: وڵاتێکی کشتوکاڵیی و بەرهەمهێنەری بەهێزی بەرهەمە کشتوکاڵییەکانە و دەتوانێت بڕێکی زۆر خۆراک بۆ دەیان ملیۆن کەس دابین بکات.

نیوزلندا: بەهۆی دووری لەو ناوچانەی چەکی ئەتۆمی هەیە و لە ئەگەری نەمانی 60%ی خۆراکی جیهانیی، ئەم وڵاتە خۆراکی دەمێنێت.

ئایسلەندا: تاکە وڵات کە لە نیوە گۆی باکوور لێکۆڵینەوەی لەسەر کراوە، بەهۆی دوورییەکەی یەکێکە لە سەلامەتترین ناوچەکانی سەردەمی دوای جەنگی ئەتۆمی.

ئۆقیانووسەکان: دوورگەکانی سۆلۆمۆن و ڤانواتو بە دڵنیایی دەمێننەوە، ئەمەش بەهۆی جوگرافیای خولگەیی و بەرهەمهێنانی خۆراکی زۆرەوە.

فیلیپین و ئەندۆنیزیا: دوورگەکانی ئەم دوو وڵاتە لە ڕیزبەندی کۆتا ئەو وڵاتانە دێ کە توانای بەرگرییان هەیە.

 

ئەمەش بزانە: جەنگی ئەتۆم دەبێتە هۆی لەناوچوونی زیاتر لە پێنج ملیار کەس کە نزیکەی 63% ی دانیشتوانی ئێستای جیهانن، لە جەنگێکی وەهادا خۆڕاگرترین وڵاتان، باشترین دەرفەتیان دەبێت بۆ خۆلادان لە داڕمانی تەواو.