پەرلەمانی عێراق هەوڵی هەڵوەشاندنەوەی ڕێککەوتنە ئابوورییەکان لەگەڵ ئوردن دەدات

ئاڤا نیوز

سەرۆکایەتیی پەرلەمانی عێراق ڕەزامەندی دەربڕیوە پێشنیازێکی تایبەت بە پەیوەندی ئابووریی نێوان عێراق و ئوردن بخاتە بەرنامەی کاری داهاتوویەوە.

 

چیڕۆكه‌ سه‌ره‌كییه‌كه‌: لە ساڵی 2006 هەردوو حکومەتی عێراق و ئوردن یاداشتێکی لێکتێگەیشتنیان واژۆ کرد، تێیدا بەغدا ڕۆژانە 10 هەزار بەرمیل نەوتی خاو هەناردەی ئوردن دەکات بە داشکاندنی 18 دۆلار لە نرخی نێودەوڵەتی، جگە لە لێخۆشبوونی باج لەسەر کاڵای ئوردنی.

 

لێدوانی فەرمی: هادی سەلامی، پەرلەمانتاری عێراق ڕایگەیاند: سەرۆکایەتیی پەرلەمان ڕەزامەندی دەربڕی لەسەر داوای چەند پەرلەمانتارێک لە زۆربەی فراکسیۆنەکان بۆ هەڵوەشاندنەوەی سەرجەم ئەو ڕێککەوتنە ئابوورییانەی لە ساڵانی ڕابردوودا لە نێوان عێراق و ئوردن جێبەجێ دەکران. 

 

زانیاریی زیاتر: ئەم پێشنیازە بەهۆی هەڵوێستەکانی ئوردن سەبارەت بە شەڕی غەززە و لوبنان دێت کە بێلایەنی هەڵبژاردووە و پشتیوانی بزووتنەوەی حەماس و حیزبوڵڵای لوبنانی نەکردووە.