ڤایرۆسی کۆرۆنا کاریگەری لەسەر مێشک دادەنێت

ئاڤا نیوز


سەرەڕای کەمبوونەوەی تووشبوون بە ڤایرۆسی کۆرۆنا، بەڵام زانایان ئاشکرای دەکەن کاریگەری ڤایرۆسەکە لەسەر تووشبووان هەر بەردەوامە.

زانیاری بەدەستهاتوو: توێژینەوەیەک کە لە گۆڤاری زانستی "Brain" بڵاوکراوەتەوە، دەریدەخات کاریگەری ڤایرۆسی کۆرۆنا لەسەر کەسی تووشبوو دەمێنێت و دەبێتە هۆی هەوکردنی سەنتەری کۆنتڕۆڵی مێشک، ئەمەش دەبێتە هۆی هەناسەتەنگی و ماندووبوون و دڵەڕاوکێ.

لێدوانی فەرمی: د. کاترینا ڕۆی، پسپۆری مێشک لە زانکۆی کامبریج دەڵێت: کەسی تووشبوو بە ڤایرۆسی کۆرۆنا، بۆ ماوەیەکی درێژخایەن نیشانەکانی لەسەر دەمێنن، ڤایرۆکەسە دوای چەند ساڵێک تاوەکو ئێستا کاریگەری لەسەر دەیان ملیۆن کەس ماوە و کێشەی هەناسەدان و جووڵەی خوێنیان هەیە.

بۆچی گرنگە: ئەم توێژینەوەیە دەریدەخات؛ تووشبووانی ڤایرۆسی کۆرۆنا دوای چاکبوونەوەیان بۆ ماوەیەکی زۆر کاریگەری نەرێنی ڤایرۆسەکەیان لەسەر دەبێت، بەتایبەت لەسەر هەوکردنی مێشک، ئەمەش وا پێویست دەکات ڕێکارەکانی خۆپارێزی چڕتر بکرێن.