24 وڵات بەشداری لووتکەی بریکس دەکەن

ئاڤا نیوز

 

ئەمڕۆ پێنجشەممە، یاریدەدەرێکی باڵای کریملین ڕایگەیاند، سەرکردەکانی 24 وڵات لەگەڵ ئەنتۆنیۆ گۆتێرێس، سکرتێری گشتیی نەتەوە یەکگرتووەکان بەشداری لووتکەی ئەم مانگەی بریکس دەکەن.

 

ڕاگەیێنراوی فەرمی: یوری ئوشاکۆڤ، یاریدەدەری باڵای سیاسەتی دەرەوەی ڤلادیمێر پووتین، سەرۆکی ڕووسیا بە ڕۆژنامەنووسانی ڕاگەیاندووە، "لە ئاستی وڵاتاندا 24 سەرۆک نوێنەرایەتی لووتکەی ئەمجارەی بریکس دەکەن. 

 
ئەوەی پێویستە بیزانیت: بڕیارە لووتکەی بریکس لەنێوان 22 بۆ 24ـی 10- 2024، لە شاری کازان لە ڕووسیا بەڕێوەبجێت.

 

بۆچی گرنگە: لوتکەکە جەخت لەسەر پێشخستنی تەواوی هاوبەشی و هاوکاری لە چوارچێوەی هاوپەیمانییەکەدا دەکات، پێشبینی دەکرێت سوپرایزی گەورە لە لووتکەکەدا ڕابگەیێنرێت، لەوانەش ڕاگەیاندنی سیستەمێکی نوێی پارەدانی نێودەوڵەتی.  

 

زانیاریی زیاتر: هەریەکە لە میسر، ئەسیوپیا، ئێران، سعوودیە و ئیمارات وەک ئەندامی نوێ بەشداری لە کۆبوونەوەی ئەمجارەی کۆمەڵەی بریکس دەکەن، ئەمەش ئاماژەیەکی بەهێزە بۆ گەشەسەندنی دەسەڵاتی کۆمەڵەکە و ڕۆڵی لە کاروباری نێودەوڵەتییدا.