لە هێرشێکی چەکداریدا بۆ سەر کانێکی خەڵووز لە پاکستان 20 کەس کوژران

ئاڤا نیوز

 

لە هێرشێکی چەکداریدا بۆ سەر کانە خەڵوزێک لە باشووری ڕۆژئاوای پاکستان 20 کرێکار کوژران و 6 کەسی دیکەش بریندار بوون.

 

ڕاگەیێنراوی فەرمی: بە گوتەی پۆلیسی پارێزگای بەلوچستان ،هێرشەکە بەرەبەیانی ڕۆژی هەینی 11-10-2024 بە چەکی قورسی وەک ڕۆکێت و نارنجۆک ئەنجام دراوە و لەو کاتەدا کرێکارەکان سەرقاڵی کارکردن بوون لە کانەکە.

 

زانیاریی زیاتر: چوار لە کوژراوەکان خەڵکی ئەفغانستانن و ئەوانی دیکەش پشتو زمانن و خەڵکی بەلوچستانن.

 

گۆشەیەکی دیکەی دیمەنەکە: تا ئیستا هیچ کەس و لایەنێک بەرپرسیارێتی هێرشەکەی لە ئەستۆ نەگرتووە، بەڵام پێشتر ڕێکخراوی 'سوپای ڕزگاریخوازی بەلوچ'، کە بە دوای سەربەخۆیی بەلوچستانەوەیە، هێرشی لەو جۆرەی ئەنجام داوە.