ئەمریکا هێزەکانی لە عێراق ناکشێنێتەوە

ئاڤا نیوز

بەپێی ڕۆژنامەیەکی ئەمریکی، لەگەڵ پەرەسەندنی گرژییەکانی ڕۆژهەڵاتی ناوەڕاست، ئەمریکا هێزی زیاتر ڕەوانەی ناوچەکە دەکات، ئەمەش ئاماژەیە کە واشنتون سەربازەکانی لە هیچ بنکەیەک ناکشێنێتەوە، بە عێراقیشەوە.

 

وێنە گەورەکە: ڕۆژنامەی (Responsible Statecraft)ـی ئەمریکی لەزاری بەرپرسێکی ئەمریکی ئاشکرای دەکات، ڕوونە ئەمریکا لە عێراق ناکشێتەوە و بڕیارە پەیوەندی ئەمنی نێوان عێراق و ئەمریکا بەرەو قوناغێکی نوێی درێژخایەن بڕوات.

 

لێدوانی فەرمی: ئەیسەر حەسون، توێژەری کاروباری سیاسی عێراق ڕایگەیاند: بەهۆی بەرژەوەندییە ئابووری و ستراتیژییەکانی، ئەمریکا هێزەکانی لەعێراق ناکشێنێتەوە، بەپێی ئەو خشتەیەی باسی دەکات.

 

ئەمەش بزانە: بەپێی ڕێککەوتنی بەغدا و واشنتۆن، تا ساڵی 2026 هێزەکانی هاوپەیمانانی نێودەوڵەتی لە عێراق بە چەند قۆناغێک دەکشێنەوە، لە قۆناغی یەکەمیشدا ئەمریکا لە سەرەتای ساڵی 2025 ژمارەیەک سەرباز لە عێراق دەکشێنێتەوە.