سوودانی داوای هەڵبژاردنێکی پاک و بێگەرد لە هەرێمی کوردستان دەکات

ئاڤا نیوز

 

ئەمڕۆ شەممە، محەممەد شیاع سوودانی، سەرۆکوەزیرانی عێراق لە چاوپێکەوتنێکیدا لەگەڵ سەرۆک و ئەندامانی دەستەی کۆمیسیارانی ئەنجوومەنی باڵای هەڵبژاردنەکانی عێراق کۆبووەوە و جەختی لە هەڵبژاردنێکی پاک و بێگەرد کرد کە سەرجەم خواستەکانی هاووڵاتییانی هەرێمی کوردستان بەدیبهێنێت.

 

وێنە گەورەکە: دوای چەندجارێک دواخستن، بە فەرمانی هەرێمیی ژمارە 222ـی ساڵی 2024، سەرۆکی هەرێمی کوردستان ڕۆژی 20-10-2024 دیاری کرد بۆ ئەنجامدانی هەڵبژاردنی هەرێمی کوردستان.

 

ڕاگه‌یێنراوی فه‌رمی: نووسینگەی ڕاگەیاندنی سەرۆکوەزیرانی عێراق بڵاویکردەوە: لە کۆبوونەوەکەدا باسی سەرجەم ئامادەکارییەکانی کۆمیسیۆن کرا بۆ ئەنجامدانی هەڵبژاردنی پەرلەمانی هەرێمی کوردستان لە 20-10-2024 و تەواوکردنی هەموو ڕێکارەکان لەوبارەیەوە.

 

زانیاریی زیاتر: سوودانی پاڵپشتی حکومەتەکەی بۆ کۆمیسیۆنی هەڵبژاردنەکان و دەستەبەرکردنی هەموو پێداویستیەکانی پرۆسەی هەڵبژاردن دووپات کردەوە.