تابلۆیەک بە زیاتر لە چوار ملیۆن دۆلار فرۆشرا

ئاڤا نیوز

 

کارەکانی نیگارکێشی فەرەنسی فرانسیس پیکابیا یەکێکە لە دیارترین فرۆشتنەکانی ئەمساڵە لە فریز ماستەرز.

 

وێنە گەورەکە: پێشانگای هونەری نێودەوڵەتیی وەک یەکێک لە گرنگترین پێشانگاکانی جیهان دادەنرێت و شاکاری زۆر مەزنی تێدایە، بەشێک لەوانە  کۆن و مێژوویین، وەک بەردی مەڕمەڕی ڕۆمانی سەردەمی ساڵانی یەکی زایینی و تەنانەت تابوتێکی شاهانەی میسریش لە سەدەی حەوتەمی پێش زایین.

 

ئەوەی پێویستە بیزانیت: ئەم چالاکییە 131 گەلەری لە سەرانسەری جیهان لەخۆدەگرێت و ئەم گەلەرییە جیهانییە تایبەتمەندە بە هونەری مۆدێرن و هاوچەرخ.

 

لێدوانی فەرمی: میلیسێنت ویلنەر، یەکێک لە بەڕێوەبەرە باڵاکان دەڵێت: "هونەرمەندان بەهۆی بەرهەمە کاریگەرەکانیانەوە هەڵبژێردراون و هونەرمەندی زۆر باشمان هەن کە کارەکانییان جێگای سەرنجن"، ئەو پێی وایە زیادەڕەوی لەو ڕاپۆرتانە کراوە کە لەم دواییانە لە میدیاکاندا باس لە جیهانی هونەر دەکەن و دەڵێن شکستی هێناوە.

 

زانیاریی زیاتر: تابلۆیەکی ئێدوارد مانێت لە ڕۆژی کردنەوەی گەلەرییەکەدا بە 4.5 ملیۆن دۆلار فرۆشراوە، گەلەرییەکە تا 13ـی تشرینی یەکەم بەردەوام دەبێت.