پارێزگارێکی سەر بە دەم پارتی لە باکووری کوردستان دەستگیردەکرێت

ئاڤا نیوز 

 

محەمەد سەلچوق، سەرۆکی پارێزگای ئیدر لە باکووری کوردستان، بە تۆمەتی بەشداریکردن لە تاوانێکی هاوبەش لەگەڵ چەکدارانی پەکەکە لە ساڵی 2015 کە بووەتە هۆی کوژرانی 13 پۆلیسی تورکیا، بڕیاری دەستگیرکردنی بۆ دەرکرا.

 

چیرۆکی سەرەکی: لەچوارچێوەی لێکۆڵینەوەکانی تەقینەوەکەی شاری ئیدر کە لە 8ی ئەیلوولی ساڵی 2015 لە ڕێگەی تەقاندنەوەی بۆمبێک بە  پۆلیسی تورکیا، 13 پۆلیس کوژران. محەمەد سەلچوق، سەرۆکی پارێزگای ئەو شارە کە سەر بە دەم پارتییە لەگەڵ 8 کەسی دیکە دەستبەسەرکراون.

زانیاریی زیاتر: ئەمڕۆ دادگای ئیدر، بڕیاری دەستگیرکردنی  بۆ سەلچوق و سێ کەسی دیکە دەرکرد. بە گوتەی دادگا دەرکەوتووە دەستیان لە تاوانەکە هەبووە. هاوکات پێنج کەسەکەی دیکە بە مەرجی قەدەغەکردنی گەشتە نێودەوڵەتییەکان ئازادکران.