لە کابینەی نۆیەمدا بە سەرمایەی نزیکەی 17 ملیار دۆلار مۆڵەت بە پرۆژەکانی وەبەرهێنان دراوە

ئاڤا نیوز

 

کابینەی نۆیەمی حکومەتی هەرێمی کوردستان لە سەرەتای دەستبەکاربوونییەوە تاکو ئێستا لە 11 سێکتەری جیاوازدا مۆڵەتی کارکردنی بە چەندین پڕۆژەی وەبەرهێنان داوە کە زۆرترین سەرمایەی لە هەولێر بەکارهێنراوە.

 

 

چیرۆکی سەرەکی: لە ماوەی کابینەی نۆیەمدا بە سەرمایەی نزیکەی 17 ملیار دۆلار پڕۆژەی وەبەرهێنان لە ناوچە جیا جیاکان مۆڵەتیان پێدراوە، لەو ژمارەیەشدا پڕۆژەکانی وەبەرهێنان لە هەولێر، زۆرترین سەرمایەیان تێدا بەکارهێنراوە.

 

لێدوانی فەرمی: بەرگەشت ئاکرەیی، گوتەبێژی دەستەی وەبەرهێنانی حکومەت هەرێمی کوردستان بە ئاڤا نیوزی ڕاگەیاند: 436 پڕۆژە بە سەرمایەی نزیکەی 17 ملیار دۆلار لە پارێزگا و ئیدارە سەربەخۆکانی هەرێمی کوردستان مۆڵەتیان پێدراوە، زۆرترین سەرمایەی پڕۆژەکان لە پارێزگای هەولێر و کەمترینی لە ئیدارەی سەربەخۆی ڕاپەڕین بووە.

 

ژمارەکان وادەڵێن: گوتەبێژی دەستەی وەبەرهێنانی حکومەتی هەرێمی کوردستان دەڵێت: دابەشبوونی پرۆژەکانی وەبەرهێنان بەسەر پارێزگا و ئیدارە سەربەخۆکاندا، بەم شێوەیەن:

هەولێر: 89 پڕۆژەی وەبەرهێنان بە سەرمایەی نزیکەی 12.5 ملیار دۆلاربووە.
سلێمانی: 96 پڕۆژەی وەبەرهێنان سەرمایەکەی سێ ملیار دۆلار بووە.
دهۆک: 84 پڕۆژەی وەبەرهێنان سەرمایەکەی یەک ملیار دۆلار بووە.
گەرمیان: 24 پڕۆژەی وەبەرهێنان سەرمایەکەی نیو ملیار دۆلار بووە.
راپەڕین: 15 پڕۆژەی وەبەرهێنان سەرمایەکەی 33 ملیۆن دۆلار بووە.
زاخۆ: 15 پڕۆژەی وەبەرهێنان سەرمایەکەی 53 ملیۆن دۆلار بووە.
سۆران: 8 پڕۆژەی وەبەرهێنان سەرمایەکەی 92 ملیۆن دۆلار بووە.
هەڵەبجە: 5 پرۆژەی وەبەرهێنان سەرمایەکەی 47 ملیۆن دۆلار بووە.