لە 60٪ کارگەکانی سلێمانی داخراون

ئاڤا نیوز

بەگوێرەی بەدواداچوونێکی ئاڤا، وردە وردە سلێمانی هێزی ئابووری لە دەستدەدات و کارگەکان دەرگاکانیان قوفڵ داوە و بەشێکی زۆریان شارەکەیان جێهێشتووە.

 

بۆچی گرنگە: جاران 35٪ هەموو کارگەکانی عێراق لە سنووری سلێمانی بوون، بەڵام ئێستا وردە وردە پایە ئابووریەکانی شارەکە یەکە بە یەکە دەکەون. تەنیا لەماوەی ساڵێکدا لە کۆی هەزار و 31 کارگەی جیاواز لە شاری سلێمانی، 516 کارگە کە دەکاتە ڕێژەی 60٪  تەواوی کارگەکانی شارەکە، داخراون.

 

ئەمەش بزانە: ناوچەی تانجەڕۆی سلێمانی، لە کۆی 12 کارگە تەنیا سێ کارگەی لێ ماوە و نۆ کارگەیان داخراون.

 

هۆکارە زانراوەکان: بەگوێرەی بەدواداچوونەکانی ئاڤا میدیا ژمارەیەک بەرپرسی سلێمانی هۆکارن بۆ داخرانی کارگەکانی سلێمانی، بەجۆرێک بە هاوکاری وڵاتێکی دراوسێ شارەکەیان کردووەتە بازاڕی ساغکردنەوەی بەرهەمەکانی ئەو وڵاتە، ئەمەش کاریگەری ڕاستەوخۆی کردووەتەسەر بەرهەمی ناوخۆیی.