ئاڤا ڤیدیۆیەکی ناو کارگەی تلیاکی دەربەندیخان بڵاودەکاتەوە

ئاڤا نیوز

 

ئاڤا ڤیدیۆیەکی ناو کارگەی تلیاکی دەربەندیخان بڵاودەکاتەوە، ڤیدیۆکە لەلایەن وەزارەتی ناوخۆی عێراق تۆمارکراوە.

 

وێنە گەورەکە: وەزارەتی ناوخۆی عێراق چەند زانیارییەکی لەبارەی کارگەی بەرهەمهێنانی ماددەی هۆشبەری لە دەربەندیخان بڵاوکردەوە و دەرکەتووە ئەو کارگەیە لەلایەن بەرپرسانی یەکێتی لە سنووری سلێمانییەوە سەرپەرشتی کراوە.

 

ڕاگەیێنراوی فەرمی: گوتەبێژی وەزارەتی ناوخۆی عێراق لە ڕاگەیێنراوێکدا باسی لەوە کردووە: "بە هەماهەنگی لەگەڵ کۆمەڵگەی نێودەوڵەتیی و حکومەتی سووریا بۆمان دەرکەوتووە، کە کارگەیەکی گەورەی بەرهەمهێنان و درووستکردنی کریستاڵ و کاپتاگۆن لە نزیک سلێمانی هەیە".

 

زانیاریی زیاتر: ئەفسەرێکی سوپای عێراق باسی لە ناوەوەی کارگەکە و ئەو ئامێرەکانی ناوەوەی کردووە و دەڵێت: ئەمە یەکێک بووە لە گەورەترین کارگەی بەرهەمهێنانی ماددەی هۆشبەر لە عێراق، دوای نزیکەی 20  ڕۆژ لێکۆڵینەوە لەو کارگەیە، دواتر دەستمان کردووە بە ئۆپەراسیۆنی دەستبەسەرداگرتنی کارگە.

 

ئەمەش بزانە: لە دواین ڕاپۆرتی نووسینگەی نەتەوەیەکگرتووەکان بۆ ماددە هۆشبەرەکان و تاوانەکان هۆشداری دەدات لەوەی سلێمانی بووەتە ناوەندێک بۆ بەرهەمهێنان و گواستنەوەی ماددەی هۆشبەر. لەلایەکی دیکەوە هۆشداری دەدات لەوەی خەریکە عێراق دەبێتە ناوەندێکی گەورەی ماددەی هۆشبەر لە ڕۆژهەڵاتی ناوەڕاست.