مەسرور بارزانی پرۆژەی بەنداوی بەستۆرە دەکاتەوە

ئاڤا نیوز

 

لە چوارچێوەی هەوڵەکانی کابینەی نۆیەم بۆ کەمکردنەوەی کاریگەرییەکانی وشکەساڵی و زیادکردنی ئاوی ژێر زەوی، سەرۆکوەزیران مەسرور بارزانی پرۆژەی بەنداوی بەستۆرە دەکاتەوە. 

 

وێنە گەورەکە: ئەمڕۆ دووشەممە، سەرۆکوەزیران مەسرور بارزانی، بەنداوی بەستۆرە دەکاتەوە کە توانای لەخۆگرتنی 20 ملیۆن مەتر سێجا ئاوی هەیە و  هەروەها دەبێتە ناوچەیەکی گەشتیاری و سەرچاوەیەکی گرنگ بۆ گەشەکردنی بەرهەمی ماسی.

 

چیرۆکی سەرەکی: ڕۆژی 24-6-2023 بەردی بناغەی بەنداوی بەستۆرە لەلایەن مەسرور بارزانی، وەک بەشێک لە ستراتیژی و پلانی حکومەتی هەرێمی کوردستان بۆ دابینکردنی ئاسایشی خوراک دانراوە. 

 

زانیاریی بەدەستهاتوو: پرۆژەی بەنداوی بەستۆرە لایەن کۆمپانیایەکی ناوخۆییەوە جێبەجێ کراوە، هەلی کاری بۆ 150 کەس ڕەخساندووە و بە شەو و ڕۆژ کاری تێدا کراوە بەرزییەکەی 30 مەترە و پانییەکەی 180 مەترە، درێژییەکەشی دەگاتە 630 مەتر و لە سەرەتای بارانبارینی ساڵی 2023 باراناوی تێدا کۆ دەکرێتەوە.

 

بۆچی گرنگە: ئەم بەنداوە سوودی زۆری بۆ جوانترکردنی ناوچەکە هەیە و دەبێتە هۆی سەرنجڕاکێشانی گەشتیاران و قازانج بۆ دانیشتووانی ناوچەکە، هەروەها کاریگەرییەکانی مەترسی درووستبوونی لافاو و زیانگەیاندن بە گوند و شاردێ و شارۆچکەکانی دەورووبەری ناوچەکە کەمدەکاتەوە.