لە هەولێر نەمام و گوڵ بەسەر نەخۆشخانەکان دابەش دەکرێت

ئاڤا نیوز

تەندروستی هەولێر بۆ جوانکردنی زیاتری ژینگەی نەخۆشخانەکان، نەمام و دار و گوڵ بەسەر نەخۆشخانەکان دابەش دەکات، ئەمەش لە چوارچێوەی پێشبڕکێیەک کە تا ناوەڕاستی مانگی نیسان بەردەوام دەبێت.

بۆچی گرنگە: لە 24-01-2024 پێشبڕکێی ژینگە لە هەولێر دەستیپێکردووە بە ئامانجی زیاتر دابینکردنی سەوزایی و ژینگەیەکی جوان بۆ بنکەکانی تەندروستی و نەخۆشخانەکان.

لێدوانی فەرمی: د.محەممەد حەسەن، پزیشکی پسپۆڕی نەخۆشییەکانی منداڵان و خاوەنی بیرۆکەی پێشبڕکێی ژینگە بۆ ئاڤا نیوز گوتی، "ئێمە وەک لیژنەی بەدواداچوونی بەڕێوەبەرایەتیی گشتی تەندروستیی هەولێر سەردانی نەخۆشخانە و بنکە تەندروستییەکان دەکەین و هەڵسەنگاندن بۆ ڕێژەی سەوزاییان دەکەین."