پەرلەمانی عێراق و ئێران بۆ پشتیوانیکردن لە گەلی فەلەستین و لوبنان ڕێککەوتن

ئاڤا نیوز

 

هەردوو سەرۆکی عێراق و ئێران بۆ پاڵپشتی و هاوکاریکردنی گەلی فەلەستین و لوبنان لە سویسرا کۆبوونەوە،  هەردوولا لەسەر ئەم پرسە ڕێککەوتن و جەختیان لەوە کردەوە کە بەردەوام بن لە فشار دروستکردن لەسەر ئیسرائیل بۆ ڕاگرتنی جەنگ.

 

وێنە گەورەکە: موحسین مەندەلاوی، سەرۆکی پەرلەمانی عێراق بە وەکالەت و محەممەد باقر قالیباف، سەرۆکی ئەنجوومەنی شورای کۆماری ئیسلامیی ئێران لە پەراوێزی کارەکانی خولی 149ـیەمینی یەکێتی پەرلەمانی نێودەوڵەتی لە جنێفی پایتەختی سویسرا کۆبوونەوە کە بڕیارە لە 12 بۆ 17ی ئەم مانگە بەڕێوەبچێت.

 

ڕاگەیێنراوی فەرمی: نووسینگەی سەرۆکی پەرلەمانی عێراق ڕایگەیاند: هەردوولا دووپاتیان کردوەوە لەسەر بەردەوامبوونی پێشکەشکردنی تەواوی هاوکاری بۆ فەلەستین و لوبنان و هەماهەنگیکردن لە هەڵوێستەکانیان لە کۆڕ و کۆبوونەوە هەرێمایەتی و نێودەوڵەتییەکان لە پێناو دۆسیە چارەنووسسازەکاندا.

 

زانیاریی زیاتر: هاوکات هەردوولا بەردەوام دەبن لە دروستکردنی فشار بۆ سەر ئیسرائیل لەپێناو کۆتاییهاتنی "دەستدرێژییەکانی زایۆنی" لەسەر وڵات و گەلی ناوچەکە و ناردنی هاوکاریی پزیشکی و خۆراک بۆ گەلی فەلەستین و لوبنان.

 

ئەوەی پێویستە بیزانیت: مەندەلاوی داوا لە وڵاتانی ئیسلامی و عەرەبی دەکات هەڵوێستی تووندیان هەبێ لە بەرامبەر مەترسیی ئەو هەوڵانەی کە دژ بە "موسڵمانان"  گیراوەتەبەر و سنوورێک بۆ دەستدرێژییەکانی "زایۆنی" لە ناوچەکەدا دابنێن.