چوارچێوەى هەماهەنگى بۆ دەنگدان لەسەر هەڵبژاردنی سەرۆکی پەرلەمان کۆدەبێتەوە

ئاڤا نیوز

 

سەرکردە سیاسییەکانی نێو چوارچێوەى هەماهەنگى بۆ دەنگدان لەسەر هەڵبژاردنی سەرۆکی پەرلەمان و چەند پرسێکی دیکە کۆدەبێتەوە.

 

وێنە گەورەکە: زیاتر لە 11 مانگ بەسەر دوورخستنەوەی محەممەد حەلبووسی، سەرۆکی دوورخراوەی پەرلەمانی عێراق تێدەپەڕێت، تاوەکو ئێستا سوننەکان لەنێوان خۆیاندا نەیانتوانیوە لەسەر کاندیدێک بگەنە ڕێککەوتن، تاوەکو ئێستاش پۆستەکە بە وەکالەت بەڕێوەدەبرێت.

 

چیرۆکی سەرەکی: درەنگانی شەوی ڕابردوو سەرکردە سیاسییەکانی نێو چوارچێوەى هەماهەنگى لە نووسینگەی نووری مالیکی، سەرۆکی هاوپەیمانی دەوڵەتی یاسا کۆبوونەوەی ئاسایی خۆی ئەنجامدا.

 

ڕاگەیێنراوی فەرمی: چوارچێوەى هەماهەنگى لە ڕاگەیێنراوێکدا دەڵێت: لە کۆبوونەوەکەدا تاوتوێی دەنگدان لەسەر سەرۆکایەتی ئەنجوومەنی نوێنەران و لیستی نوێی باڵیۆزەکان و سەرژمێری دانیشتوان کرا.

 

باکگراوند: ڕۆژی 14-11-2023، دادگەی باڵای فیدراڵی عێراق لە بڕیارێکدا کۆتایی بە ئەندامێتی محەممەد حەلبووسی، سەرۆکی ئەنجوومەنی نوێنەرانی عێراق هێنا.