سوپای عێراق سەرکردەیەکی باڵای داعشی لە کەرکووک کوشت

ئاڤا نیوز

 

هێزی ئاسمانیی عێراق لە دوو هێرشی ئاسمانیدا بۆسەر ناوچەی لەیلان لە پارێزگای کەرکووک، بنکەیەکی چەکدارانی داعشی کردە ئامانج و لە ئەنجامدا چوار ئەندامی ئەو ڕێکخراوە کوژران کە یەکێکیان سەرکردەیەکی باڵا بووە.

 

وێنە گەورەکە: لە چوارچێوەی بەرەنگاربوونەوەی تیرۆر، سوپای عێراق بەردەوامە لە بە ئامانجگرتنی چەکدارانی ڕێکخراوە تیرۆریستییەکان، لە دوو ئۆپەراسیۆنی ئاسمانیی نوێدا ژمارەیەک چەکداری داعشی لە نزیک پارێزگای کەرکووک کوشت.

 

ڕاگەیێنراوی فەرمی: فەرماندەیی ئۆپەراسیۆنە هاوبەشەکانی عێراق ڕایگەیاند: بەرەبەیانی ڕۆژی سێشەممە، لە ئەنجامی دوو بۆردوومانی فڕۆکە جەنگییەکانی عێراق چوار چەکداری داعش کوژراون، دوای گەڕان و پشکنینی هێزەکانی دژە تیرۆر دەرکەتووە یەکێک لە کوژراوەکان سەرکردەیەکی باڵای ڕێکخراوەکەیە.

 

زانیاریی زیاتر: لە ئۆپەراسیۆنەکەدا چەک و ئامێرە پەیوەندی چەکدارانی داعش لەنێوبراون و پشکنین لە ناوچەکە بەردەوامە.