مقاوەمەی عێراق بە "فڕۆکەی پێشکەوتوو" ئیسرائیل دەکاتە ئامانج

ئاڤا نیوز 

 

مقاوەمەی ئیسلامی لە عێراق دەڵێت، شەوی ڕابردوو بە "فڕۆکەی پێشکەوتوو" پێگەیەکی گرنگی ئیسرائیلی کردووەتە ئامانج و جەختیش لە بەردەوامی هێرشەکانی دەکاتەوە.

 

وێنە گەورەکە: سەرەڕای بەردەوامی هەوڵەکانی حکومەتی عێراق بۆ دوورخستنەوەی وڵاتەکە لە گرژییەکان، بەڵام گرووپە چەکدارەکان لە خاکی عێراقەوە بەردەوامن لە هێرشکردنە سەر ئیسرائیل.

 

ڕاگەیێنراوی فەرمی: مقاوەمەی ئیسلامی لە عێراق ڕایگەیاند: شەوی ڕابردوو لە ڕێگەی فڕۆکەیەک کە توانایەکی پێشکەوتووی هەبووە، چەند ئامانجێکی گرنگی ئیسرائیلیان لە ناوەڕاستی خاکی "داگیرکراوی" فەڵەستین کردووەتە ئامانج، جەختیش لە بەردەوامی هێرشەکانی دژی ئیسرائیل دەکاتەوە.

 

ئەوەی پێویستە بیزانیت: حکومەتی عێراق پەیوەست بە گرژییەکانی ناوچەکە جەخت لە هەوڵی چارەسەری دیبلۆماسی دەکاتەوە، بەڵام لە 24 کاتژمێری ڕابردوودا مقاوەمەی ئیسلامیی عێراق دووجار هێرشی کردووەتە سەر چەند پێگەیەک لەناو ئیسرائیل.