سەردانەکەی نێچیرڤان بارزانی دەبێتە مانشێتی میدیاکانی تورکیا

ئاڤا نیوز

سەردانەکەی نێچیرڤان بارزانی بۆ ئەنقەرە و پێشوازییە گەرمەکەی ڕەجەب تەیب ئەردۆغان لێی، دەنگدانەوەیەکی زۆری لە میدیاکانی تورکیا بەداوی خۆیدا هێناوە و بە سەردانێکی گرنگ ناوی دەبەن.

وێنە گەورەکە: دوێنێ نێچیرڤان بارزانی، سەرۆکی هەرێمی کوردستان بە سەردانێکی فەرمی گەیشتە ئەنقەرە و لە کۆشکی کۆماری لەلایەن ڕەجەب تەیب ئەردۆغان، سەرۆککۆماری تورکیا پێشوازی لێکرا، بە ئامادەبوونی هاکان فیدان، وەزیری دەرەوەی ئەو وڵاتە کۆبوونەوە و، چەند بابەتێکیان تاوتوێ کرد، لەوانە؛ هەڵبژاردنی پەرلەمانی کوردستان، دۆخی ڕۆژهەڵاتی ناوەڕاست و پەیوەندیی ستراتیژی و ئابووریی نێوان هەرێمی کوردستان و تورکیا.

ئەوەی پێویستە بیزانیت: سەردانەکەی سەرۆکی هەرێمی کوردستان بۆ تورکیا لەلایەن سەرجەم میدیاکانی ئەو وڵاتە بەگرنگییەوە باس کراوە و، بە سەردانێکی گرنگ و ستراتیژی ناوبراوە. هەروەها لەبارەی گوتەکانی ئەردۆغان بۆ پشتیوانی لە پەیوەندییە دۆستایەتییەکەی نێوانیان، میدیاکان باس لە گرنگی دۆستایەتی ئەو دوو لایەنە دەکەن بۆ سەقامگیری و بەهێزکردنی ژێرخانی ئابووریی ناوچەکە.