عێراق دەستگیرکردنی تۆڕێکی "تیرۆریستی" ڕادەگەیێنێت

ئاڤا نیوز

 

ئەنجوومەنی باڵای دادوەری دەستگیرکردنی تۆڕێکی "تیرۆریستی" ڕادەگەیێنێت کە لە ڕێگەی تۆڕە کۆمەڵایەتییەکانەوە پەیوەندییان لەگەڵ یەک بەستووەو  پلانی ئەنجامدانی هێرشی چەکدارییان هەبووە.

 

وێنە گەورەکە: ئەگەرچی دەسەڵاتدارانی عێراق پێیانوایە داعش چیتر هەڕەشە نییە لەسەر ئاسایشی وڵاتەکەی، بەڵام چالاکیی گرووپەکانی سەر بەو ڕێکخراوە بەردەوامە. 

 

ڕاگەیێنراوی فەرمی: ناوەندی ڕاگەیاندنی ئەنجوومەنی باڵای دادوەریی لە عێراق ڕایگەیاند: تۆڕەکە لە 26 کەس پێکهاتوون لە پارێزگاکانی بەغدا، سەڵاحەدین، نەینەوا و ئەنبار، هەموویان لە ڕێگەی تۆڕە کۆمەڵایەتییەکانەوە پەیوەندی لەگەڵ یەکتردا بەستووە.

 

زانیاریی زیاتر: "تۆڕەکە وەک گورگی تاقانە کاری کردووە، پلانی هەبووە هێرشی چەکداری لە پارێزگا جیاوازەکان ئەنجام بدات، لەنێویاندا بە ئامانجگرتنی سەردانیکەرانی ئیمام حوسێن لە ناوچەکانی دورە و حوسێنییە لە بەغدا". هاوکات شکستیش بە هەموو ئەو هەوڵانە هێنران کە پلانیان دانابوو ئەنجامی بدەن.