ژمارەی ئاوارەبوون لە جیهاندا ڕوو لە زیادبوونە

ئاڤا نیوز

 

نەتەوە یەکگرتووەکان باس لە زیادبوونی ڕێژەی ئاوارەبوونی خەڵکی دەکات بەهۆی هەڵگیراسانی شەڕ و برسیەتییەوە، بە جۆرێک لە تەواوی جیهاندا ڕێژەکە گەیشتووە بە 123 ملیۆن کەس. 

 

وێنە گەورەکە: بەهۆی ئاڵۆزییەکانی ڕۆژهەڵاتی ناوەڕاست و چەندین هۆکاری ژینگەیی و هەوڵدانی خەڵک بۆ پەیداکردنی پەناگەیەکی ئارام ژمارەی ئاوارەبوون لە جیهاندا ڕووی هەڵکشانە.

 

ڕاگەیێنراوی فەرمی: فیلیپۆ گراندی، کۆمیسیۆنی باڵای نەتەوە یەکگرتووەکان بۆ کاروباری پەنابەران ڕایگەیاند: ژمارەی ئەو کەسانەی لە سەرانسەری جیهاندا بەهۆی جەنگ و هەژاری و گۆڕانی کەشوهەوا، 123 ملیۆن کەس ئاوارەبوون.

 

زانیاریی زیاتر: کۆمیسیۆنی باڵای نەتەوە یەکگرتووەکان بۆ کاروباری پەنابەران هۆشداریی دەدات، لەگەڵ زیادبوونی گرژییەکان لە لوبنان ژمارەی ئاواربوونیش بەرزبێتەوە کە لە ئێستادا زیاتر لە یەک ملیۆن کەس ئاوارەبوون و لەو ژمارەیەش 270 هەزار کەسیان بەرەو سووریا هەڵهاتوون.