دەست بەسەر نیو ملیۆن حەبی کاپتاگۆن دا  دەگیرێت

ئاڤا نیوز

 

هێزە ئەمنییەکان شکست بە هەوڵێکی بە قاچا‌غهێنانی ماددەی هۆشبەر بۆ نێو وڵات دەهێنن و دەست بەسەر زیاتر لە نیو ملیۆن حەبی کاپتاگۆن دا دەگرن.

 

وێنە گەورەکە: لە دوایین ڕاپۆرتی خۆیدا نەتەوەیەکگرتووەکان هۆشداریی داوە لەوەی عێراق خەریکە دەبێتە ناوەندێکی گەورەی ماددەی هۆشبەر لەسەر ئاستی وڵاتانی ڕۆژهەڵاتی ناوەڕاست، بەجۆرێک دەبێتە خاڵی ترانزێتی ئەو ماددە هۆشبەرەی کە لە ئەفغانستان و ئێرانەوە بەرەو ئەوروپا و وڵاتانی دیکەی جیهان دەنێردرێت.

 

ڕاگەیێنراوی فەرمی: دەزگای ئاسایشی نیشتمانیی عێراق ڕایگەیاند: لە ئۆپەراسیۆنێکی جۆرییدا هێزەکانیان لە پارێزگای ئەنبار توانییان شکست بە هەوڵێکی بە قاچا‌غهێنانی ماددە هۆشبەر لە دەرەوەی عێراق بۆ ناو خاکی عێراق بهێنن.

 

زانیاریی زیاتر: بە گوێرەی ئاسایشی نیشتمانی لەو ئۆپەراسیۆنەدا توانرا دەست بەسەر زیاتر لە 500 هەزار حەبی کاپتاگۆن دا بگیرێت کە لەنێو بارێکی سەوزەوات لە وڵاتێکی دراوسێوە هاتبوو شاردرابووەوە.