تەنیا لە مانگی ئەیلوول 6 هەزار باری جیابوونەوە تۆمارکراوە

ئاڤا نیوز

 

بەپێی داتایەک لە مانگی ئەیلوولی ڕابروو لە دادگاکان و دەرەوەی دادگاکانی عێراق 30 هەزار گرێبەستی هاوسەرگیری کراوە، لە بەرامبەریشدا 6 هەزار باری جیابوونەوە تۆمارکراوە.

 

بڵاوکراوەی فەرمی: ئەمڕۆ پێنجشەممە، ئەنجوومەنی باڵای دادوەری ئاماری هاوسەرگیری و جیابوونەوەی بۆ مانگی ئەیلولی 2024 بڵاوکردەوە، کە 30 هەزار هاوسەرگیری لە بەرامبەر زیاتر لە 6 هەزار تەڵاقدا هەبووە.

 

ژمارەکان وادەڵێن: 29 هەزار و 909 گرێبەستی هاوسەرگیری ئەنجامدراوە، بە جۆرێک 26 هەزار و 91 گرێبەستیان لە دادگاکان تۆمارکراوە و سێ هەزار و 818 گرێبەستیش لە دەرەوەی دادگاکان کراوە.

 

زانیاریی زیاتر: هەر لە ماوەی مانگی ئەیلوول شەش هەزار و 586 باری جیابوونەوە تۆمارکراوە کە چوار هەزار و 906 حاڵەتیان لە دادگاکان تۆمار کراوە، هەزار و 680 حاڵەتیش لە دەرەوەی دادگاکان بووە و لەلایەن دادگاوە پەسندکراوە.