ڕۆژی یەکلاکەرەوە؛ دادگەی فیدراڵی بڕیار لەبارەی هەڵبژاردنی کوردستان دەدات

ئاڤا نیوز

 

لەبارەی چەند سکاڵایەکی تایبەت بە هەرێمی کوردستان کە دووانیان لەلایەن یەکێتییەوە تۆمارکراون، دادگەی فیدراڵی عێراق کۆدەبێتەوە و بڕیار لەبارەی چارەنووسی کورسیی کۆتاکان  دەدات.

 

وێنە گەورەکە: دوای 15 جار دادبینی و دواخستن، بڕیارە ئەمڕۆ چوارشەممە دادگەی فیدراڵی کۆتایی بە دادبینی لەبارەی سکاڵای یاسای هەڵبژاردنی پەرلەمانی کوردستان بهێنێت.

 

زانیاریی تایبەت: لە ئەگەری پەسەندکردنی سکاڵاکە، هەرێمی كوردستان دەكرێت بە سێ بازنەی هەڵبژاردن‌ و 105 كورسییەكەی پەرلەمان بەمشێوەیە دابەش دەبن:

- كورسیی كۆتای توركمان و ئەرمەنەکان هەڵدەوەشێتەوە.

- تەنیا كورسیی كۆتای مەسیحی دەمێنێت.

- هەڵبژاردن بە سێ بازنە دەبێت:  هەولێر: 34 كورسی ، سلێمانی: 41 كورسی،  دهۆک: 25 كورسی.

 

پێنج كورسیی كۆتای پێكهاتەکان بەمشێوەیە بەسەر بازنەكان دابەشدەکرێت:

پارێزگای سلێمانی: دوو كورسیی کۆتای مەسیحی بەردەكەوێت.

پارێزگای هەولێر: دوو كورسیی کۆتای مەسیحی بەردەكەوێت.

پارێزگای دهۆک: كورسییەکی کۆتای مەسیحی بەردەكەوێت.