هێرش دەکرێتە سەر نووسینگەی کەناڵی MBC لە بەغدا

ئاڤا نیوز

 

درەنگانی شەوی ڕابردوو بە دەیان کەس لە لایەنگرانی گرووپە چەکدارییەکانی عێراق بە بەرزکردنەوەی ئاڵای گرووپەکانی حەشدی شەعبی و وێنەی سەرکردە کوژراوەکانیان، پەلاماری نووسینگەی کەناڵی MBC یان لە شاری بەغدا دا و ئاگریان تێبەردا.

 

چیرۆکە سەرەکییەکە: درەنگانی شەوی ڕابردوو  بە دەیان کەسی سەر بە گرووپە چەکدارییەکانی عێراق بە دروشمی جۆراوجۆر هێرشیان کردە سەر نووسینگەی کەناڵی MBC سعودی لە گەڕەکی جامیعەی بەغدای پایتەخت، دوای تێکشکاندنی کەلوپەلەکانی نێوی بەشێکی نووسینگەکەشیان سووتاند.

 

هۆکارە زانراوەکان: دوا پەخشکردنی ڕاپۆرتێک لە کەناڵەکە لەسەر سەرکردەکانی حیزبوڵڵا و بزووتنەوەی حەماس، کە وەک دوو گرووپی "تیرۆریستی" ناویان براوە، ناڕەزایەتی لایەنگرانی ئەو گرووپانەی لە عێراق لێکەوتەوە.

 

ئەوەی پێویستە بیزانیت: ئەمە جاری یەکەم نییە هێرش دەکرێتە سەر نووسینگەی ئەو کەناڵە لە بەغدا، ساڵی 2020، ده‌یان كه‌س لەلایەنگرانی عەسائب ئەهل حەق بەبیانویی سووکایەتیکردن بە مەهدی موهەندیس هێرشیان کردە نووسینگەی کەناڵی MBC لە بەغدا.