ئاشتی هەورامی کۆچی دوایی کرد

ئاڤا نیوز

 

ئاشتی هەورامی، وەزیری پێشووتری وەزارەتی سامانە سرووشتییەکانی هەرێمی کوردستان لە لەندەنی پایتەختی بەریتانیا بەهۆی نەخۆشییەوە کۆچی دوایی کرد.

 

زانیاری بەدەستهاتوو: بەگوێرەی ئەو زانیاری دەست ئاڤا نیوز کەوتووە، ئاشتی هەورامی بەهۆی نەخۆشی شێرپەنجە لە نەخۆشخانەی لەندەن کۆچی دوایی کردووە.

 

ئەوەی پێویستە بیزانیت: ئاشتی هەورامی، ناوی تەواوی عەبدوڵڵا عەبدولرەحمان عەبدوڵڵا و لەدایکبووی ساڵی 1948ی سلێمانییە، دوایین پۆستی یاریدەدەری سەرۆکوەزیرانی هەرێمی کوردستان بووە بۆ کاروباری وزە، ماوەی چوار کابینە وەزیری سامانە سرووشتییەکان بوو.

 

زانیاریی زیاتر: ئاشتی هەورامی ساڵی 1971 بڕوانامەی بەکالۆریۆسی لە بەشی نەوتی زانکۆی بەغدا وەرگرتووە، ساڵی 1978 لە سکۆتلەندا بڕوانامەی ماستەری لە نەوت وەرگرتووە.