هێزەکانی پاسەوانی سنوور دەچنە دەڤەری نێروە و ڕێکان

ئاڤا نیوز

 

ئەمڕۆ هێزێکی پاسەوانی سنووری عێراق بەرەو دەڤەری نێروە و ڕێکان بەڕێکەوتن کە 33 ساڵە چۆڵکراون و لە چەند شوێنێکیش بارەگا دادەنێن.

 

لێدوانی فەرمی: سەرچاوەیەک لە هێزەکانی پاسەوانی سنوور بە ئاڤا نیوزی گوت: "دوای لێکتێگەیشتن و هەماهەنگی، ئەمڕۆ چوارشەممە هێزێکی پاسەوانی سنووری عێراق لە ناحیەی شێلادزێ لە گەلی باڵنداوە بەرەو ناوچەی نێروە - ڕێکان ڕۆیشتوون".

 

زانیاریی زیاتر: بە چوونی ئەم هێزە ژیان بۆ 85 گوندی هەر سێ دەڤەری ڕێکان، نێروە و دۆسکی دەگەڕێتەوە؛ ئەم هێزانەی عێراق بارەگاکانی خۆیان بۆ پاراستنی ناوچەکە جێگیر دەکەن و دواتر هێزی پێشمەرگە دەچێتە ئەو شوێنانە.

 

باکگراوند: بەهۆی شەڕی پەکەکە و تورکیا، ئەم ناوچانە چۆڵکراون و خەڵکی ئەم گوندانە لە کۆمەڵگەی سیریێ، ناحیەی شێلادزێ و دێرەلووک نشتەجێکراون.