کۆمیسیۆن ژمارەی ئەو سکاڵایانە بڵاودەکاتەوە کە لە دەنگدانی تایبەت تۆمارکراون

ئاڤا نیوز 

 

کۆمیسیۆنی هەڵبژاردنەکانی عێراق ژمارەی ئەو سکاڵایانە بڵاودەکاتەوە، کە لە ڕۆژی دەنگدانی تایبەت لە هەرێمی کوردستان تۆمارکراون، زۆرینەی لە سلێمانی و هەڵەبجە بووە.

 

وێنە گەورەکە: ڕۆژی هەینی ڕابردوو پڕۆسەی دەنگدانی تایبەت لە 11 پارێزگای هەرێمی کوردستان و عێراق کرا، لە کۆی 215 هەزار 960 کەس،  208 هەزار 521 کەس بەشداریان کرد و هاوکات 71 سکاڵا لە بازنەکانی هەولێر، سلێمانی، دهۆک و هەڵەبجە تۆمارکراون.

 

زانیاریی بەدەستهاتوو: بەگوێرەی ئەو سکاڵایانە لە دەنگدانی تایبەت لە ناوەندەکانی دەنگدان تۆمارکراون، 24 سکاڵا لە سلێمانی، 24 سکاڵا لە هەڵەبجە، 11 لە هەولێر و 11 سکاڵا لە دهۆک تۆماکراون.

 

زانیاریی زیاتر: تاوەکو ئێستا سکاڵاکانی ڕۆژی دەنگدانی گشتیی نەگەیشتوونەتە کۆمیسیۆن، دوای یەکلایی بوونەوەی سکاڵاکان ئەنجامە فەرمییەکان بڵاودەکرێنەوە.