شارەوانی هەولێر هەڵمەتێک بۆ پاککردنەوەی ناوەندەکانی دەنگدان دەستپێدەکات

ئاڤا نیوز

شارەوانی هەولێر دوای تەواوبوونی پرۆسەی دەنگدان، هەڵمەتێک بۆ پاککردنەوەی ناوەندەکان دەستپێدەکات. 

 

وێنە گەورەکە: ڕۆژی 20-10-2024، پرۆسەی دەنگدانی گشتیی بۆ خولی شەشەمی پەرلەمان لە هەرێمی کوردستان بەڕێوەچوو.

 

لێدوانی فەرمی: کارزان هادی، سەرۆکی شارەوانی هەولێر، بە ئاڤا نیوزی گوت: بە هەماهەنگی لەگەڵ بەڕێوەبەرایەتیی گشتی پەروەردەی هەولێر، ئەو قوتابخانە و ناوەندانەی بۆ دەنگدان بەکارهێنراون پاک دەکەینەوە.

 

سەرۆکی شارەوانی هەولێر دەڵێت: هەڵمەتەکە لە ئەمڕۆوە دەستپێدەکەین و جگە لە ناوەندەکانی دەنگدان پۆستەرەکانیش لێدەکەینەوە، ئەوە بە بەرپرسیارێتی خۆمان دەزانین.