نێچیرڤان بارزانی: سەرکەوتنێکی گەورەمان بەدەستهێنا و جیهان بەڕێزەوە سەیری دەکات

ئاڤا نیوز

 

سەرۆکی هەرێمی کوردستان بەبۆنەی کۆتاییهاتن و سه‌ركه‌وتنى هه‌ڵبژاردنى په‌رله‌مانى كوردستان‌ پەیامێک بڵاودەکاتەوە و ڕایدەگەیێنێت: "هەڵبژاردن هه‌نگاوێكى گرنگ بوو، سەرکەوتنێکی گەورەمان بەدەستهێنا و جیهان بەڕێزەوە سەیری دەکات".

 

ڕاگەیێنراوی فەرمی: نێچیرڤان بارزانی، سەرۆکی هەرێمی کوردستان دەڵێت: هه‌ڵبژاردن و پرۆسه‌ى ده‌نگدان، هه‌ڵنانى هه‌نگاوێكى گرنگ بوو له‌ به‌هێزكردنى ڕه‌وتی ديموكراسيى گه‌لى كوردستاندا. بەڕێوەچوونی پرۆسەکە و سه‌رخستنی مايه‌ى شانازى و پێزانينه‌، گه‌لى كوردستان براوه‌يه‌.

 

لەلایەکی دیکەوە: نێچیرڤان بارزانی ئه‌نجامدانى هه‌ڵبژاردن به‌شێوه‌يه‌كى ئارام و شارستانييانه‌‌، بە سه‌ركه‌وتنێكى گه‌وره‌ وەسف دەکات و دەڵێت: "جيهان به‌ ڕێزه‌وه‌ سه‌يرى ده‌كات، به‌ڵام ئه‌وه‌ى ئه‌م سه‌ركه‌وتنه‌ ته‌واو ده‌كات و گه‌لى كوردستان به‌ په‌رۆشه‌وه‌ چاوه‌ڕێيه‌تى، ئه‌وه‌يه‌ دوای په‌سه‌ندکردنی ئه‌نجامه‌کان، لايه‌نه‌ سياسييه‌كان به‌زووترين كات حكومه‌ت پێكبهێنن".

جەختیش دەکاتەوە لەوەی، "هه‌ڵبژاردن نوێكردنه‌وه‌ى ڕه‌وايه‌تيى دامه‌زراوه‌كانى هه‌رێمى كوردستان و گه‌ياندنى ئازادانه‌ى بير و ده‌نگی هاووڵاتیان بوو، بۆ دياريكردنى نوێنه‌ره‌كانیان له‌ په‌رله‌مان".

 

خاڵی ئەرێنی: سەرۆکی هەرێمی کوردستان بە ئاماژەکردن بە كێبڕكێى ئاشتييانه‌ لە بانگەشە و ڕێژه‌ى به‌شداريى فراوانى هاووڵاتيان له‌ پرۆسه‌ى ده‌نگداندا دەڵێت: "سەلمێنرا گه‌لى كوردستان مكوڕه‌ له‌سه‌ر ئه‌وه‌ى بنه‌ماكانى ديموكراسى و مافى خۆى بۆبڕياردان له‌ چاره‌نووس و داهاتووى خۆى، به‌هێز بكات و نيشانه‌ى زيندوويى و پێگه‌يشتنى زياترى كولتوورى ديموكراسيى گه‌لى كوردستانه‌.