کونسوڵگەریی بەریتانیا: ڕێژەی بەرزی بەشداریکردنی هاووڵاتییان لە هەڵبژاردن پەیامێکی بەهێزە

ئاڤا نیوز

 

کونسوڵگەریی گشتیی بەریتانیا لە هەولێر پەیامێکی لەبارەی هەڵبژاردنی پەرلەمانی کوردستانەوە بڵاوکردەوە.

 

وێنە گەورەکە: دوای تەواوبوونی پرۆسەی هەڵبژاردن و ڕاگەیاندنی 99.63ی دەنگەکان لەلایەن کۆمیسیۆنی باڵای سەربەخۆی هەڵبژاردنەکانی عێراقەوە، کونسوڵگەریی گشتیی بەریتانیا لە هەولێر پەیامێکی بڵاو کردەوە.

 

ڕاگەیێنراوی فەرمی: کونسوڵگەریی گشتیی بەریتانیا ڕایدەگەیێنێت: پێشوازیی لە هەڵبژاردنەکەی هەرێمی کوردستان دەکەین، ڕێژەی بەرزی بەشداریکردن هاووڵاتییان پەیامێکی بەهێزە بۆ پشتیووانی لە نوێبوونەوەی ڕەوایی دیموکراسی، چاوەڕوانی دووبارە دەست بەکاربوونەوەی پەرلەمان و پێکهێنانی حکومەتی هەرێمی کوردستان دەکەین لە زووترین کاتدا.

 

باکگراوند: دوو ملیۆن و 87 هەزار و 972 کەس بەشدارییان لە دەنگدان دا کردووە، لەو ژمارەیە ملیۆنێک و 838 هەزار و 819 دەنگی دروست دراون.