سەرۆکوەزیران بارزانی و کونسوڵی ئەڵمانیا جەخت لە زوو پێکهێنانی کابینەی نوێی حکومەت دەکەنەوە

ئاڤا نیوز

 

لە میانی کۆبوونەوەی لەگەڵ مەسرور بارزانی، کونسوڵی گشتیی ئەڵمانیا ئامادەیی وڵاتەکەی بۆ پەرەپێدانی زیاتری پەیوەندییەکان لەگەڵ هەرێمی کوردستان دەربڕی. 

 

وێنە گەورەکە: ئەمڕۆ سێشەممە، سەرۆکوەزیران مەسرور بارزانی پێشوازی لە ئەلبرێشت فۆن ڤیتکە كونسوڵی گشتی نوێی ئەڵمانیا لە هەرێمی كوردستان کرد.

 

ڕاگەیێنراوی فەرمی: نووسینگەی سەرۆکوەزیران رایگەیاند، مەسرور بارزانی پشتیوانیی حکومەتی هەرێمی کوردستانی بۆ کونسوڵی گشتیی ئەڵمانیا دووپاتکردەوە و هیوای سەرکەوتنی بۆ خواست.

 

لە تەوەرێکی دیکەی کۆبوونەوەکە كونسوڵی گشتی نوێی ئەڵمانیا  ئاماژەی بە سەرکەوتنی پرۆسەی هەڵبژاردنی پەرلەمانی کوردستاندا کرا کە لە کەشێکی ئارام و دیموکراتیانەدا ئەنجامدرا، سەرەڕای هەبوونی هەندێک کێشەی تەکنیکی و بێبەشبوونی ژمارەیەکی زۆری دەنگدەران لە مافی دەنگدان، هەردوولا هاوڕابوون لەسەر گرنگیی و پێویستیی دەستکردن بە ڕێکارەکانی پێکهێنانی کابینەی نوێی حکومەت لە زووترین کاتدا، لە پێناو خزمەتکردنی زیاتری هاووڵاتییانی هەرێمی کوردستان.

 

ئەمەش بزانە: کونسوڵی گشتیی ئەڵمانیا ئامادەیی وڵاتەکەی بۆ پەرەپێدانی زیاتری پەیوەندییەکان لەگەڵ هەرێمی کوردستان دەربڕی.