حەوت ئیسرائیلی بەتۆمەتی سیخووڕی بۆ ئێران دەستگیر دەکرێن

ئاڤا نیوز

 

هێزە ئەمنییەکانی ئیسرائیل بە تۆمەتی ئەنجامدانی کاری سیخووڕی و کۆکردنەوەی زانیاریی لەسەر ژمارەیەک بنکەی سەربازیی  و شوێنی ستراتیژیی بۆ ئێران، حەوت هاووڵاتیی دەستگیر کرد.

ڕاگەیێنراوی فەرمی: پۆلیسی ئیسرائیل ڕایگەیاند، حەوت هاووڵاتیی ئیسرائیلیمان بە تۆمەتی سیخووڕی کردن و پێدانی زانیاریی لەسەر بنکە سەربازییەکان بە ئێران دەستگیرکرد، کە نزیکەی 600 ئەرکی سیخوڕیان بۆ ئێران ئەنجامداوە، گرنگترینیان کۆکردنەوەی زانیاریی بوو لەسەر شوێنی هەستیاری سەربازیی، ژێرخانی ئابووری و دیاریکردنی ئامانجی ستراتیژیی ئیسرائیل بۆ ئێران.

 

زانیاریی زیاتر: ڕۆژنامەی ئورشەلیم پۆست ئاماژەی بەوەدا، ئەو شوێنە گرنگانەی  سیخوریان بەسەرەوە کراوە بریتین لە: بنکەی ئاسمانیی ڕامات دەیڤد، بنکەی ئاسمانیی نۆڤاتیم جەلیل. بنکەی لیوای جۆلان کە هەفتەی ڕابردوو حیزبوڵڵا هێرشێکی درۆنیی کردەسەری و لە ئاکامدا چوار سەربازی ئیسرائیل کوژران.

 

ئەمەش بزانە: حەوت گومانلێکراوەکە خەڵکی حەیفان بەڕەچەڵەک جووی ئازەربایجانن، تەمەنیان لە نێوان 19 بۆ 23 ساڵدایە و سەرۆکی گرووپەکەش تەمەنی 23 ساڵە بە ناوی رامی عەلیان کە لەلایەن ئێرانەوە سەرپەرشتی کراون.