سەرۆکی پەرلەمانی عێراق بەوەکالەت سەردانی بەیرووت دەکات

ئاڤا نیوز

 

وەک هاوسۆزییەک بۆ لوبنان و فەڵەستین لەبەرامبەر ئەو هێرشانەی ئیسرائیل ڕۆژانە دەیکاتە سەریان، سەرۆکی پەرلەمانی عێراق بەوەکالەت گەیشتە بەیرووتی پایتەختی لوبنان.

 

وێنە گەورەکە: پێشتر موحسین مەندەلاوی، سەرۆکی پەرلەمانی عێراق بەوەکالەت چەندجارێک لە کۆبوونەوە نێودەوڵەتییەکانیدا و بۆ پاراستنی ئارامی ناوچەکە، داوای لە وڵاتانی جیهان کرد هەوڵی ڕاگرتنی هێرشەکانی ئیسرائیل بۆسەر غەززە و لوبنان بدەن.

 

ڕاگەیێنراوی فەرمی: نوسینگەی ڕاگەیاندنی سەرۆکی پەرلەمانی عێراق بەوەکالەت بڵاویکردەوە، ئێوارەی ئەمڕۆ موحسین مەندەلاوی، سەرۆکی پەرلەمان بەوەکالەت گەیشتووەتە بەیرووت بڕیارە لەگەڵ هاوتا لوبنانییەکەی کۆببێتەوە.

 

لەلایەکی دیکەوە: سەردانەکە لە چوارچێوەی هەوڵەکانی بەغدایە بۆ ڕاگرتنی گرژییەکانی ناوچەکە و ڕێگرییە لە فراوانبوونی شەڕ، هاوکات بەمەبەستی دەربڕینی هاوسۆزیشە بۆ گەلانی لوبنان و فەڵەستین کە ڕووبەڕووی کۆمەڵکوژیی بوونەتەوە.