پەرلەمانتارێکی نەوەی نوێ دەبێتە سەرۆکی یەکەم دانیشتنی پەرلەمان

ئاڤا نیوز

سەرۆکی لیستی نەوەی نوێ لە سلێمانی وەک بەتەمەنترین پەرلەمانتار سەرۆکایەتیی یەکەم دانیشتنی خولی شەشەمی پەرلەمانی کوردستان دەکات.

چیرۆکی سەرەکی: محەممەد سلێمان محەممەد، سەرۆکی لیستی نەوەی نوێ لە سلێمانی کە 20 هەزار و 759 دەنگی بەدەستهێناوە و یەکەمی حیزبەکەیەتی، لە دایکبووی ساڵی 1948و تەمەنی 76 ساڵە، دەبێتە بەتەمەنترین پەرلەمانتاری داهاتوو.

ئەوەی پێویستە بیزانیت: لە مادەی (11)ی پەیڕەی ناوخۆی پەرلەمانی کوردستاندا هاتووە: بەتەمەنترین کاندیدی دەرچووی ئامادەبوو لەلایەن سەرۆکی دیوانی سەرۆکایەتیی پەرلەمانەوە بانگهێشت دەکرێت و دەبێتە سەرۆکی یەکەم دانیشتن، ئەرکی بە تەنیا بریتی دەبێت لە بەڕێوەبردنی دانیشتنی یەکەم و ئەنجامدانی هەڵبژاردنی دەستەی سەرۆکایەتی.