یۆنامی: کۆمیسیۆن لە هەڵبژاردنی کوردستان سەرکەوتنی بێهاوتای بەدەستهێنا

ئاڤا نیوز

نوێنەری سکرتێری گشتی نەتەوەیەکگرتووەکان لە عێراق بۆ سەرکەوتنی هەڵبژاردنی پەرلەمانی کوردستان پیرۆزبایی لە کۆمیسیۆن دەکات و دەڵێت، لە بەڕێوەبردنی پرۆسەکەدا سەرکەوتنی بێهاوتای بەدەستهێناوە.

چیرۆکی سەرەکی: محەممەد ئەلحسان، نوێنەری سکرتێری گشتیی نەتەوەیەکگرتووەکان لە عێراق (یۆنامی) لەگەڵ دادوەر عومەر ئەحمەد، سەرۆکی کۆمیسیۆنی هەڵبژاردنی عێراق کۆبووەوە و تەوەری سەرەکی کۆبوونەوەکەیان پرسی هەڵبژاردنی خولی شەشەمی پەرلەمانی کوردستان بوو.

ڕاگەیێنراوی فەرمی: لە ڕاگەیێنراوی کۆبوونەوەکەدا ئاماژە بەوە کراوە، هەڵبژاردنی پەرلەمانی کوردستان هەموو ئاستەنگییەکانی بەردەمی تێپەڕاند و بەشێوەیەکی شەفاف بەڕێوەچوو.

خاڵی ئەرێنی: نوێنەری سکرتێری گشتی نەتەوەیەکگرتووەکان پیرۆزبایی لە کۆمیسیۆن کردووە کە لە بەڕێوەبردنی هەڵبژاردنەکەدا سەرکەوتنی بەدەستهێناوە و دەرئەنجامی بێهاوتای هەبووە، بەتایبەت بەکارهێنانی تەکنەلۆژیای نوێ کە ئاسانکاری بۆ پرۆسەکە کرد و بەهۆیەوە خێرا دەرئەنجامەکان ڕاگەیێنران.