سوودانی و ڕۆمانۆوسکی گفتوگۆیان لەبارەی کشانەوەی هێزەکانی هاوپەیمانان کرد

ئاڤا نیوز

 

محەممەد شیاع سوودانی، سەرۆکوەزیرانی عێراق پێشوازی لە ئەلینا ڕۆمانۆوسکی باڵیۆزی ئەمریکا لە عێراق کرد؛ تەوەری سەرەکیی کۆبوونەوەکەی نێوانیان لەبارەی کشانەوەی هێزەکانی هاوپەیمانان بوو لە عێراق. 

 

ڕاگەیێنراوی فەرمی: نووسینگەی سەرۆکوەزیرانی عێراق ڕایگەیاند "هەردوولا جەختیان لە بەردەوامی گفتوگۆکانی لیژنەی باڵای ھاوبەشی سەربازی لەبارەی کۆتاییھێنان بە ئەرکی ھاوپەیمانیی نێودەوڵەتیی لە عێراق کردووە".

 

زانیاریی زیاتر: باسی ئەو دۆسیانە کراوە کە چاوەڕوان دەکرێت سوودانی لە سەردانەکەیدا بۆ واشنتن لەگەڵ بەرپرسانی کۆشکی سپی گفتوگۆیان لەبارەوە بکات. 

 

لەلایەکی دیکەوە: ئەلینا ڕۆمانۆوسکی، لەبارەی کۆبوونەوەکە لە پلاتفۆڕمی ئێکسدا ڕایگەیاند "پێکەوە دەتوانین ئاسایش و سەقامگیری و سەروەریی عێراق مسۆگەر بکەین".