هەرێمی کوردستان بەشداریی پێشانگایەکی گەورە لە پاریس دەکات

ئاڤا نیوز

 

حکومەتی هەرێمی کوردستان بۆ یەکەمجار بەشداریی لە پێشانگەیەکی گەورەی بواری پیشەسازی و بواری خۆراک لە فەرەنسا دەکات.

 

وێنە گەورەکە: پێشانگەکە بە بەشداریی 17 هەزار کۆمپانیا لە 200 وڵاتی جیاواز بەڕێوەدەچێت و ماوەی پێنج ڕۆژ لە پاریس بەردەوام دەبێت.

 

ئەمەش بزانە: لە نێو ماڵپەڕێ سەرەکی SIAL paris هەرێمی کوردستان و بەشدار بووان و بەرهەمەکانییان بە فەرمی تۆمار کراون، بۆ دروستکردنی پەیوەندی لە نێوان ئەو کۆمپانیا و وەبەرهێنانەی خواستیان لەسەر بەرهەمەکانی هەرێمی کوردستان هەیە.

 

بۆچی گرنگە: بەشداربوونی حکومەتی هەرێمی کوردستان لە پێشانگەکە دەرفەتێکە بۆ دروستکردنی پەیوەندیی لەگەڵ وەبەرهێنەرە نێودەوڵەتییەکان، بۆ کردنەوەی بازاڕ بۆ بەرهەمە کوردییەکان و ناساندنی هەرێمی کوردستان وەک سەرچاوەیەکی کشتوکاڵیی کوالێتی بەرز.