پزیشکیان: داوا لە ئەندامانی بریکس دەکات شەڕ لە غەززە و لوبنان کۆتایی پێبهێنرێت

ئاڤا نیوز

 

مەسعوود پزیشکیان، سەرۆککۆماری ئێران داوا لە وڵاتانی بەشدار لە لووتکەی بریکس دەکات، کار بکەن بۆ کۆتایی هێنان بە شەڕی لوبنان و غەززە.

 

وێنە گەورەکە: مەسعوود پزیشکیان، سەرۆککۆماری ئێران لە لووتکەی بریکس داوای لە هەموو لە ئەندامانی گرووپی بریکس کرد کە هاوکاری بۆ لوبنان و غەززە بکەن و دەستبەجێ کاربکەن بۆ کۆتایی هێنان بە شەڕ لەم ناوچانە. 

 

قووڵتر: پزیشکیان شەڕی غەززە و لوبنانی بە ''ئازاربەخشترین'' شەڕ وەسف کرد. 

 

زانیاری بەدەستهاتوو: لەم لووتکەیەدا زۆرینەی وڵاتان داوای ڕاگرتن و کۆتایی هێنان بە شەڕی لوبنان و غەززە دەکەن.

 

زانیاریی زیاتر: ساڵێک زیاترە شەڕ لەکەرتی غەززە هەیە، دوای کوژرانی یەحیا سینوار لایەنەکان داوای ئاگربەست بۆ غەززە دەکەن، لەگەڵ ئەمەشدا ماوەی زیاتر لە مانگێکە باشووری لوبنان ڕووبەڕووی هێرشەکانی ئیسرائیل بووەتەوە. 

 

باکگراوند: لووتکەی بریکس لە شاری (کازان)ی رووسیا و بە سەرپەرشتیی ڤلادیمیر پووتین، سەرۆکی ئەو وڵاتە دوێنێ 22-10-2024 بە بەشداریی دەیان سەرۆک و سەرکردەی وڵاتان دەستی بەکارەکانی کرد و تا سێ ڕۆژیش بەردەوام دەبێت.