ئێدمۆندۆ گۆنزالێز و ماریا کۆرینا، وێنە: ماڵپەڕی خەڵاتی ساخارۆڤ
ئاڤا نیوز
خەڵاتی ساخارۆڤ، کە بەرزترین خەڵاتی ڕێزلێنانە یەکێتیی ئەوروپا لە بواری مافی مرۆڤ دەیبەخشێت، ئەمڕۆ پێنجشەممە بە دوو سیاسەتمەداری ڤەنزوێلا بەخشرا.
چیرۆکی سەرەکی: ڕۆبێرتا مێتسۆلا، سەرۆکی پەرلەمانی یەکێتیی ئەوروپا، براوەی خەڵاتی ساخارۆڤی بۆ 2024 ڕاگەیاند. ماریا کۆرینا ماچادۆ، سەرۆکی هێزە دیموکراتەکانی ڤەنزوێلا و ئێدمۆندۆ گۆنزالێز، کاندیدی ئۆپۆزیسیۆن لە هەڵبژاردنەکانی سەرۆکایەتیی ئەمساڵ خەڵاتەکەیان پێبەخشرا.
هۆکارە زانراوەکان: خەڵاتەکە دەبەخشرێتە ئەو کەس و گرووپ و ڕێکخراوانەی بەشدارییەکی بەهێزیان لە پاراستنی ئازادی بیرکردنەوەدا هەبووە، براوەکانی ئەمساڵیش هەوڵی بێوچانیان داوە بۆ بەرزکردنەوەی بەهای دادپەروەری، دیموکراسی و سەروەری یاسا لە ڤەنزوێلا.
ئەوەی پێویستە بیزانیت: ماریا کۆرینا ماچادۆ لە ساڵی 2023 دا بە ناوی پلاتفۆرمی یەکگرتووی دیموکراتییەوە وەک کاندیدی ئۆپۆزیسیۆنی ڤەنزوێلا هەڵبژێردرا، بەڵام دواتر لەلایەن ئەنجوومەنی نیشتمانیی هەڵبژاردنەکانی ڤەنزوێلا دوورخرایەوە. ئێدمۆندۆ گۆنزالێز ئوروتیا، دیپلۆماتکار و سیاسەتمەدارێکی ڤەنزوێلایە و سەرۆکی هێزە دیموکراتەکانی ئەو وڵاتەیە.
زیاتر لەسەر ئەم بابەتانە بکۆڵەرەوە
دوایین هەواڵەکان
- کوردستان
- 5 خولەک لەمەوپێش
ڕاگەیێنراوی کۆبوونەوەی سوودانی و بافڵ تاڵەبانی
- کوردستان
- 23 خولەک لەمەوپێش
لە ڕانیە ڕەشەبا كارەبای ژمارەیەك گوند دەپچڕێنێت
