دەزگای خێرخوازی بارزانی هاوکاریی پزیشکی دەگەیەنێتە ژمارەیەک چارەخوازی عەفرین

ئاڤا نیوز 

 

لەمیانەی پێشکەشکردنی خزمەتگوزاریی جیاواز لە عەفرینی ڕۆژئاوای کوردستان، تیمێکی گەڕۆکی دەزگای خێرخوازی بارزانی هاوکاریی پزیشکی پێشکەش بە نەخۆشانی گوندێک دەکات. 

 

وێنە گەورەکە: نووسینگەی دەزگای خێرخوازی بارزانی لە عەفرین خزمەتگوزاری جیاواز پێشکەش بە خەڵکی ناوچەک دەکات و تیمێکی گەڕۆکی تەندروستیش لە گوندێک چارەسەری 54 نەخۆش دەکەن.

 

ڕاگەیێنراوی فەرمی: ئەو تیمەی دەزگای خێرخوازی بارزانی، لە میانەی پێشكەشكردنی خزمەتگوزاریی پزیشكی لە گوندی كەفەر ڕوومـی سەر بە شارەدێی شران لە سنووری عەفرین، پشكنینان بۆ 54 نەخۆش ئەنجام داوە و چاره‌سه‌ريان بۆ دابینكردوون.

 

لێدوانی فەرمی: ئیبراهیم سەمیم، جێگری سەرۆکی دەزگای خێرخوازی بارزانی بە ئاڤا نیوزی ڕاگەیاند: نووسینگەکەیان ڕۆژانە لە سێکتەرەکانی تەندروستی و پەروەردە، هونەر و خۆراک، خزمەتگوزاری پێشکەش بە خەڵکی عەفرین و گوندەکانی دەورووبەری دەکات.

 

جێگری سەرۆکی دەزگای خێرخوازی بارزانی دەشڵێت: هانی خەڵک دەدەین بڕۆنە بەر خوێندن و هۆکارەکانی گواستنەوەشیان بۆ دابین دەکەین، هاوکات مانگانە چاودێری ئەو خەڵکانە دەکەین کە پێویستییان خزمەتگوزاری تەندروستی هەیە، هاوکات لە پرۆژەی "چاودێری ئازیزانی کوردستان" هاوکاریی دارایی پێشکەش بەو منداڵە دەکرێت کە باوکیان لە ژیاندا نەماوە، پرۆژەکە لە قۆناغی جێبەجێکردن دایە، ئێستا نزیکەی 400 منداڵ سوودمەند دەبن.

 

باکگراوند: رۆژی دووشەممە 6-2-2023، دوو بوومەلەرزە بەگوڕەکانی 7.7 و 7.6 پلەی رێخته‌ر تورکیا و باكووری كوردستان، هاوکات سووریا و رۆژئاوای كوردستانی ھەژاند، کە زیانێکی زۆر بەر ژێرخانی ئابووری ناوچەکانی بوومەلەرزەکە گەیشت، لەوکاتەدا دەزگای خێرخوازی بارزانی هاوکاریی بەپەلەی گەیاندە ناوچەکان