خواست لەسەر کڕینی ئۆتۆمبێلی کارەبایی زیاتر بووە

ئاڤا نیوز

 

لە هەرێمی کوردستان بەکارهێنانی ئۆتۆمبێلی کارەبایی ڕووی لە زیادبوونە، ئەمەش وایکردووە هاوردەکردنی جۆرە جیاوازەکانی ئۆتۆمبێلی کارەبایی زیاتر بێت، رۆژ بە رۆژیش خواست لەسەر کڕینیان زیاتر دەبێت.

 

وێنە گەورەکە: لە هەرێمی کوردستان هاوردەکردنی ئۆتۆمبێلی کارەبایی ڕوو لە زیادبوونە بەهۆی کارئاسانی گومرگی و بوونی شوێنی چاککردنەوە بۆ ئەو ئۆتۆمبێلانە.

 

زانیاریی زیاتر: بەهۆی ئەوەی ئەو ئۆتۆمبێلانە تێچووی بەکارهێنانی سووتەمەنی و ڕۆن گۆڕینیان نیە و بە دۆستی ژینگە ناسراون خواستی هاووڵاتییان زیاتر لەسەرە، هاوکات وێستگەی بارگاویکردنەوەشیان لە بەشێک لە شارەکان بۆ دابینکراوە، هەر بازرگانێکیش ئۆتۆمبێلی کارەبایی هاوردە بکات بە ڕێژەی 100%، لە باجی گومرگی لێخۆشبونی بۆ دەکرێت.

 

ئەوەی پێویستە بیزانیت: بارگاویکردنەوەی ئەو ئۆتۆمبێلانە لەماڵەوە 8 بۆ 32 ئەمپێر کارەبای پێویستە لە ماوەی 9 بۆ 12 کاتژمێر، لە وێستگەکانیش 20 بۆ 30 خولەکی پێویستە، هاوکات بە یەکجار بارگاویکردنەوە ئەم ئۆتۆمبێلانە  550 بۆ 600 کیلۆمەتر دەبڕێت.